Nepali Poem - नेपाली कविता 

बदलीरहेक ( कविता )

फुलेका फुलहरु फक्रिन थालेका छन् 

सुगन्ध छरिदिनलाई 

फलेका वृक्षहरू झुकिरहेकोछन् 

विनम्र स्वागत् गर्नलाई

लोलाएका आखाहरू उघ्रिरहेका छन्

विचित्र संसार हेर्नलाई 

पीडाका मनहरु बदलिरहेका छन्

अब त खुशी हुनलाई 

झुकिरहेका सम्पूर्ण टाउकाहरु उठ्दैछन 

सर्वत्र सम्मान पाउनलाई

गलेका दुई हात र गोडाहरू चल्दैछन्

गतिशील सिर्जनाका उर्जालाई 

छितिजतिर चम्किला तरंगहरु देखिदैछन्

आकाशमा बिजुली चम्कनलाई 

फुस्रा ओठहरु पनि तब लाल हुदैछन

नि : स्वार्थ मुस्कान मुस्कुराउनलाई 

खुम्चिसकेका कुखुरे छातीहरु उठ्दैछन 

गौरव र हिम्मत प्रप्तिहरुलाई 

झरेका काधहरु आब उचालिदै छन्

विजेताका भारहरु बोक्नलाई |